எமது ஈழத்துக் கலைஞர்களின் பிரமாண்டமான சினிமா தயாரிப்பு தயார்

எமது ஈழத்துக் கலைஞர்களின் பிரமாண்டமான சினிமா தயாரிப்பு தயார்

பிரித்தானியாவில் இருந்து எமது ஈழதுது இழைஞர்களால் தயாரிக்கப்பட்டு பொலிவூட் சினிமாவைவிட எந்த தரத்திலும் குறையாது மிக பிரமாண்டமான முறையில் படமாக்கப்பட்ட ஓளிப்படப் பாடல் வெளியாகியுள்ளது, 

இப்பாடலை பிரித்தானியாவில் வைத்து, மன்னர் கால முறைப்படி, உயர் தொழிலநுட்ப்ப கருவிகளால், பல தெரிவு செய்யப்பட்ட இடங்களில் படமாக்கி யுள்ளனர், இப்பாடலை பார்க்கும் போது எமது கலைஞர்களும் உலகத்தரத்துக்கு இணையான படைபுக்களை தரமுடியும் என்ற நம்பிக்கை பிறக்கின்றது, 

இப்பாடலை நீங்களும் பார்த்து உங்கள் நண்பர்களுக்கும் பகிருங்கள்

 

பாடலை பார்க்க : LINK

நன்றி

செய்திகள் 10/11

பதில் மனு

தனக்கு எதிரான போர்க்குற்ற வழக்கைத் தள்ளுபடி செய்யக் கோரி மேஜர் ஜெனரல் சவீந்திர சில்வா நியுயோர்க் தெற்கு மாவட்ட நீதிமன்றத்தில் தாக்கல் செய்திருந்த மனுவுக்கு சட்டவாளர்கள் பதில் மனு ஒன்றை நேற்றுமுன்தினம் தாக்கல் செய்துள்ளனர்.

அதேவேளை, பத்து அனைத்துலக மனிதஉரிமைகள் குழுக்கள் ஒன்றிணைந்து ஐ.நா பொதுச்செயலர் பான் கீ மூனுக்கு அனுப்பியுள்ள கடிதம் ஒன்றில், ஐ.நாவுக்கான சிறிலங்காவின் பிரதித் தூதுவர் பதவிக்காக மேஜர் ஜெனரல் சவீந்திர சில்வா சமர்ப்பித்த அறிமுக ஆவணத்தை நிராகரிக்குமாறு கோரியுள்ளன.

சித்திரவதைகள், நீதிக்குப்புறம்பான படுகொலைகள், பொதுமக்கள் மீதான கண்மூடித்தனமான பீரங்கித் தாக்குதல்கள் போன்ற போர்க்குற்றங்களில் ஈடுபட்டதாக இவர் மீது சமஸ்டி நீதிமன்றத்தில் குற்றச்சாட்டுகளை எதிர்கொண்டுள்ளதாக அந்தக் கடிதத்தில் கூறப்பட்டுள்ளது.

போர்க்குற்றவாளி ஒருவரை ஐ.நா தனது பதவித் தரத்தில் வைத்துள்ளது.

இது ஒரு உளவியல் மற்றும் சட்ட நடவடிக்கை என்று அமெரிக்க பல்கலைக்கழக வொசிங்டன் சட்டக் கல்லூரியின் மனிதஉரிமைகள் பிரிவின் பணிப்பாளர் அலி பேடன் தெரிவித்துள்ளார்.

மிகப்பெரிய அனைத்துலக கட்டமைப்பான ஐ.நா அமைதி மற்றும் நீதியைப் பாதுகாக்க வேண்டிய பொறுப்பிலுள்ளது.

மேஜர் ஜெனரல் சவீந்திர சில்வா மீதான போர்க்குற்றச்சாட்டுகள் குறித்து முழு அளவில் விசாரணை நடத்த அனுமதிக்க வேண்டியது ஐ.நாவின் கடமை.

தனது குற்றங்களில் இருந்து தப்பிக் கொள்வதற்கு அவர் இராஜதந்திர விலக்குரிமையைப் பயன்படுத்த அனுமதிக்கக் கூடாது என அதில் சுட்டிக்காட்டியுள்ளனர்.

போர்க்குற்றங்களிலும், மனிதகுலத்துக்கு எதிரான குற்றங்களிலும் ஈடுபட்ட மேஜர் ஜெனரல் சவீந்திர சில்வாவின் இராஜதந்திர விலக்குரிமையை ரத்துச் செய்து அவரது அறிமுக ஆவணத்தை நிராகரித்து, அவரை விசாரணை செய்வதற்கு ஒத்துழைக்க வேண்டும் என்று பத்து மனிதஉரிமை அமைப்புகள் ஐ.நா பொதுச்செயலரிடம் கோரியுள்ளன.

சிறிலங்கா இராணுவத்தில் போர்க்குற்றங்களைப் புரிந்த அதிகாரிகளை சிறிலங்கா அரசாங்கம் வெளிநாடுகளில் இராஜதந்திரப் பதவிகளில் அமர்த்தியுள்ளது.

உலகெங்கும் 22 முன்னாள் இராணுவ அதிகாரிகள் சிறிலங்கா அரசாங்கத்தினால் இராஜதந்திரப் பதவிகளில் அமர்த்தப்பட்டுள்ளனர்.

இது பாதிக்கப்பட்ட தமிழர்களுக்கு நீதியைப் பெற்றுக் கொடுக்கும் அனைத்துலக முயற்சிகளுக்கு இடையூறாக உள்ளது என்றும் இந்த அமைப்புகள் கூறியுள்ளன

**************

புதிய விதிகள்

இலங்கையில் விரைவில் ஊடகவியலாளர்களுக்கான மற்றும் ஊடக நிறுவனங்களுக்கான ஒழுங்கு விதிகள் அறிமுகப்படுத்தப்படவுள்ளன

இதனை ஒழுங்கு விதிகளை அரசாங்கம் தனியார் ஊடகங்களுடன் இணைந்து உருவாக்கவுள்ளதாக தெரிவிக்கப்பட்டுள்ளது

இதன்பின்னர் அது வர்த்தமானியில் பிரசுரிக்கப்படவுள்ளது

இதற்காக ஊடக அமைச்சினால் விரையில் குழு ஒன்று அமைக்கப்படவுள்ளதாக இலங்கையின் ஊடக அமைச்சின் செயலாளர் கனேகல தெரிவித்துள்ளார்

குறித்த ஊடக ஒழுங்கு விதிகளை உருவாக்குவதற்காக பொதுமக்கள் மத்தியில் இருந்து கருத்துக்களும் பெற்றுக்கொள்ளப்படும் என்று அவர் குறிப்பிட்டுள்ளார்

**************

அஞ்சும் அரசு

அரசாங்கம் தம்மீதான விமர்சனங்களை கண்டு பயப்படுகிறது.

தமது ஜனநாயக விரோத செயற்பாடுகள் ஊழல்கள் வெளிக்கொணரப்படும் போது ஜனநாயக ரீதியான சவால்களுக்கு முகங்கொடுக்கவேண்டியேற்படும் என்று அரசாங்கம் அஞ்சுவதாக ஜனநாயகத்துக்கான சட்டத்தரணிகள் தெரிவித்துள்ளனர்.

இதன் காரணமாகவே இலங்கையில் செய்தி இணையத்தளங்கள் முடக்கப்பட்;டுள்ளதாக ஜனநாயகத்துக்கான சட்டத்தரணிகள் சுட்டிக்காட்டியுள்ளனர்.

அண்மைக்காலம் வரையில் இலங்கையில் ஊடகங்களுக்கு ஊடகவியலாளர்களுக்கு அச்ச நிலைக்காணப்பட்டது

ஊடகவியலாளர்கள் கொல்லப்பட்டனர். அச்சுறுத்தப்பட்டனர் பல ஊடகவியலாளர்கள் பயம் காரணமாக நாட்டை விட்டு வெளியேறினர்

இந்தநிலையில் இன்று பிரபலமான இணையத்தளங்கள் முடக்கப்பட்டுள்ளன

தனியார் ஊடகங்களில் சுயதணிக்கை மேற்கொள்ளப்பட்டு வருகிறது

ஊடக ஒழுங்கு தொடர்பான நிறுவனங்கள் அரசியலாலும் தனிப்பட்டவர்களாலும் பொதியிடப்பட்டுள்ளதாக ஜனநாயகத்துக்கான சட்டத்தரணிகள் குறிப்பிட்டுள்ளனர்

சுதந்திரத்தை பெற்றுக்கொடுத்தவர்கள் கோழைகள் அல்லர். அவர்கள் அரசியல் மாற்றங்களுக்கு அஞ்சவில்லை.

பயத்தால்; பேச்சு சுதந்திரத்தை நிலைநாட்ட முடியாது என்று ஜனநாயகத்துக்கான சட்டத்தரணிகள் குறிப்பிட்;டுள்ளனர்

எனவே இணையத்தளங்கள் மீது விதிக்கப்பட்ட முடக்கத்தை அரசாங்கம் தளர்த்தவேண்டும் என்று சட்டத்தரணிகள் கோரியுள்ளனர்

ஜனநாயக சட்டத்தரணிகள் அமைப்பில்; சார்பில் லால் விஜேநாயக்க சந்திரா குமாரகே ரட்ணவேல் சுமந்திரன் ஜோதிக்குமார் ஜே வி வெலியமுன உட்பட்டோர் அங்கம் வகிக்கின்றனர்

**************

தவிக்கும் ஸ்ரீலங்கா

தமிழ்த் தேசிய கூட்டமைப்பினர் மேற்கொண்டுள்ள அமெரிக்கா உள்ளிட்ட வெளிநாட்டு விஜயமானது இலங்கை அரசாங்கத்துடனான பேச்சுவார்த்தைகளில் தாக்கத்தை ஏற்படுத்தாது.

அந்த விஜயமானது பேச்சுக்களுக்கு தடையாக அமையாது.

கூட்டமைப்பினர் நாடு திரும்பியதும் அவர்களுடன் பேச்சு நடத்த அரசாங்கம் தயாராக இருக்கின்றது என்று ஆளும் கட்சியின் பிரதம கொறடாவும் அமைச்சருமான தினேஷ் குணவர்த்தன தெரிவித்தார்.

தமிழ்த் தேசிய கூட்டமைப்பினர் எங்கு விஜயம் மேற்கொண்டு யாருடன் பேச்சு நடத்தினாலும் இறுதியில் தீர்வு விடயத்தில் தமது நாட்டு அரசாங்கத்துடனேயே பேச்சு நடத்தவேண்டும் என்ற யதார்த்தத்தைப் புரிந்துகொள்ளவேண்டும் என்றும் அமைச்சர் குறிப்பிட்டார்.

அதாவது வடக்கு கிழக்கு மாகாண மக்களும் இலங்கை மக்கள் என்ற அடிப்படையில் அவர்களுக்கு எவ்விதமான அநீதியும் ஏற்பட்டுவிடக்கூடாது என்பதில் அரசாங்கம் உறுதியாக இருக்கின்றது எனவும் அமைச்சர் கூறினார்.

கூட்டமைப்பினர் அமெரிக்காவுக்கு விஜயம் மேற்கொண்டமையானது அரசாங்கத்துடனான பேச்சுக்களில் எவ்விதமான தாக்கத்தையும் ஏற்படுத்தாது.

அவர்கள் எந்த நாட்டுக்கு விஜயம் மேற்கொண்டு வந்தாலும் இறுதியில் பிரச்சினையைத் தீர்ப்பதற்கு இலங்கைக்கே வரவேண்டும்.

இலங்கை அரசாங்கத்துடனேயே பேச்சு நடத்தவேண்டும் என்பதனைப் புரிந்துகொள்ளவேண்டும் என்றார்.

**************

பதவி வழங்கும் ஐதேக

கொழும்பு மாநகரசபையில் நான்கு குழுக்களில் தலைவர்களாகவும், ஒன்பது குழுக்களில் அங்கத்தவர்களாகவும் ஜனநாயக மக்கள் முன்னணியின் உறுப்பினர்கள் தெரிவு செய்யப்பட்டுள்ளனர்.

கொழும்பு மாநகர சபையில் ஐ.தே.க நிலையான நிர்வாகத்தைக் கொண்டு செல்வதற்காக ஜனநாயக மக்கள் முன்னணியின் ஆதரவை ஐ.தே.க நாடியிருந்தது.

அவ்வாறு ஆதரவு வழங்கும் பட்சத்தில் சபை நிர்வாகக் குழுக்களில் ஜனநாயக மக்கள் முன்னணி உறுப்பினர்களுக்கு தலைமைப் பதவி வழங்க ஐ.தே.க ஒப்புதல் அளித்திருந்தது.

அதன்படி இன்று ஜனநாயக மக்கள் முன்னணி உறுப்பினர்கள் கொழும்பு மாநகரசபையில் நான்கு குழுக்களில் தலைவர்களாகவும், ஒன்பது குழுக்களில் அங்கத்தவர்களாகவும் தெரிவு செய்யப்பட்டுள்ளனர்.

தலைநகரத் தமிழ் மக்கள் தமது கட்சிக்கு வழங்கியுள்ள வாக்குகளின் மூலமாக கிடைத்துள்ள அரசியல் பலத்தின் அடிப்படையில் இந்த அந்தஸ்துகள் கிடைத்துள்ளன என ஜனநாயக மக்கள் முன்னணி இது தொடர்பில் கருத்து தெரிவித்துள்ளது.

**************

பாதுகாப்பு ஏற்பாடு

மாலைதீவில் நடைபெறும் சார்க் உச்சிமாநாட்டுக்காக மாலைதீவு தேசிய பாதுகாப்பு படையினரும், இலங்கையின் விசேட அதிரடிப்படையினரும் இணைந்து மேற்கொள்ளும் பாதுகாப்பு திட்டமொன்று அமுல்படுத்தப்படுகிறது.

மாலைதீவின் அட்டு நகரில் நடைபெறும் இம்மாநாட்டில் கலந்துகொள்ளும் பிரமுகர்களினதும் மாநாடு நடைபெறும் இடத்தினதும் பாதுகாப்பை உறுதிப்படுத்துவதற்காக இரு படையமைப்புகளும் நெருக்கமாக இணைந்து செயற்படுவதாக மாலைதீவில் பணியாற்றும் இலங்கை விசேட அதிரடிப்படையைச் சேர்ந்த சிரேஷ்ட அதிகாரியொருவர் கூறினர்.

மாநாட்டில் கலந்துகொள்ளும் அனைத்து தூதுக்குழுவினரும் உயர் முன்னுரிமை அளிக்கப்பட வேண்டியவர்களாக கருதப்படுகின்றனர்.

தவறில்லாத பாதுகாப்புத் திட்டத்திற்காக மாலைதீவு தேசிய பாதுகாப்பு படையினருடன் இணைந்து அச்சுறுத்தல் மதிப்பாய்வு தொடர்பான பல நடவடிக்கைகளை தாம் நடத்தியுள்ளோம் என அவர் கூறினார்.

மாநாடு இடம்பெறும் இடத்திற்கு வருபவர்களும் வெளியேறுபவர்களும் கண்காணிக்கப்படுகின்றனர்.

பாதுகாப்புச் சோதனைகளும் மேற்கொள்ளப்படுகின்றன எனவும் அவர் தெரிவித்துள்ளார்.

இம்மாநாட்டிற்கு முன்னர், துறைமுகம், விமான நிலையம், மாநாட்டு மண்டபம் ஆகியவற்றுக்கு பாதுகாப்பளிப்பது தொடர்பான பல பயிற்சித் திட்டங்களை இலங்கையின் விசேட அதிரடிப் படையினர் மேற்கொண்டதாக ஹவீரு இணையத்தளம் ஏற்கெனவே தெரிவித்திருந்தது.

**************

அதிகரிக்கும் வீதி விபத்துக்கள்

இலங்கையில் நாளொன்றுக்கு வீதிவிபத்துக்களின் மூலம் 6 பேர் பலியாவதாக தெரிவிக்கப்பட்டுள்ளது.

இதன் அடிப்படையில் வருடம் ஒன்றுக்கு 2000 முதல் 2500 பேர் வீதிவிபத்துக்களில் பலியாவதாக பெருந்தெருக்கள் துறை அமைச்சு தெரிவி;த்துள்ளது.

இந்த விபத்துக்களின் போது குறைந்தது 2 பேராவது கடும் காயங்களுக்கு உள்ளாகின்றனர்.

தரவுகளின்படி நாட்டில் ஒவ்வொரு 10 நிமிடங்களுக்கும் ஒரு வீதி விபத்து இடம்பெறுகிறது.

வருடம் ஒன்றில் 80 ஆயிரம் வீதிவிபத்துக்கள் இடம்பெறுகின்றன.

மது கவனயீனம் போன்ற காரணங்களாலேயே வீதிவிபத்துக்கள் இடம்பெறுகின்றன

**************

செய்திகள் 30/10

கனடா மீண்டும் எச்சரிக்கை

இலங்கையில் இடம்பெற்ற மனித உரிமை மீறல் குற்றச்சாட்டுக்கள் குறித்து கனடிய அரசு மீண்டும் எச்சரிக்கை விடுத்துள்ளது.

மனித உரிமை மீறல் தொடர்பிலான குற்றச்சாட்டுக்களுக்கு உரிய தீர்வு வழங்கப்படாவிட்டால் கனடா அதனை வேடிக்கை பார்த்து கொண்டிருக்காது என சுட்டிக்காட்டப்பட்டுள்ளது.

எதிர்வரும் 2013ம் ஆண்டில் இலங்கையில் பொதுநலவாய நாடுகள் தலைவர்கள் மாநாடு நடைபெறவுள்ளதாகவும், அந்த மாநாட்டிற்கு முன்னதாக மனித உரிமை மீறல் குற்றச்சாட்டுக்களுக்கு அரசாங்கம் தீர்வு வழங்க வேண்டுமெனவும் வலியுறுத்தப்பட்டுள்ளது.

இலங்கை விவகாரத்தில் கனடா வெறுமனே வார்த்தைகளினால் கருத்துக்களை வெளியிட்டு அமைதி காக்காது என கனேடிய வெளிவிவகார அமைச்சரின் பாராளுமன்ற செயலாளர் தீபக் ஒபராய் தெரிவித்துள்ளார்.

இலங்கையில் மனித உரிமை நிலைநாட்டப்பட வேண்டும் என்பதற்காக செயல் ரீதியான பங்களிப்பினை கனடா வழங்கும் என அவர் நம்பிக்கை வெளியிட்டுள்ளார்.

இலங்கை விவகாரம் தொடர்பிலான கனடாவின் நிலைப்பாட்டில் எவ்வித மாற்றமும் கிடையாது என அவர் குறிப்பி;ட்டுள்ளார்.

மனித உரிமை மீறல் குற்றச்சாட்டுக்கள் தொடர்பில் இலங்கை நடவடிக்கை எடுக்க வேண்டும் எனவும் எவ்வித நடவடிக்கையும் எடுக்காத பட்சத்தில் இலங்கையில் நடைபெறவுள்ள பொதுநலவாய அமர்வுகளில் பங்கேற்பது குறித்து மீள சந்திக்க நேரிடும் எனவும் கனேடிய பிரதமர் தெரிவித்துள்ளார்.

இலங்கை விவகாரத்தில் கனடா வெறும் வார்த்தைகளினால் மட்டும் எதிர்ப்பை வெளியிடுவதில் அர்த்தமில்லை என கனேடிய எதிர்க்கட்சி பாராளுமன்ற உறுப்பினர் ராதிகா சிற்சபேசன் தெரிவித்துள்ளார்.

இலங்கை தொடர்பில் ராஜதந்திர ரீதியில் நடவடிக்கை எடுக்கப்பட்டு வருவதாகவும், ஏற்கனவே இலங்கையில் ஆளும் தரப்பினருக்கு கனடாவின் நிலைப்பாடு அறிவிக்கப்பட்டுள்ளதாகவும் தீபக் ஒபராய் தெரிவித்துள்ளார்.

உலக மனித உரிமைகளுக்காக கனடா உரக்கக் குரல் கொடுக்கும் எனவும், குறிப்பாக இலங்கை விவகாரத்தில் கனடா தனியான கரிசனை காட்டும் எனவும் அவர் குறிப்பிட்டுள்ளார்.

******************

சிக்கித் தவிக்கும் ஸ்ரீலங்கா

அவுஸ்திரேலியாவின் பேர்த் நகரில் நடைபெற்றுவரும் பொதுநலவாய நாடுகளின் 22வது உச்சி மாநாட்டில் மனித உரிமைகள் பற்றிய விவகாரம் முக்கிய இடம்பிடித்திருந்தது.

மனித உரிமைகள் பாதுகாக்கப்படுவதை உத்தரவாதப்படுத்துவதற்கான கட்டமைப்பொன்றை உருவாக்க உலகின் பலநாடுகளின் தலைவர்களும் முன்வைத்த யோசனைகள் இலங்கை உள்ளிட்ட சில நாடுகளுக்கு விசனத்தை ஏற்படுத்தியுள்ளது.

பிரித்தானிய பிரதமர் டேவிட் கமரோன், மனித உரிமைகள் பாதுகாப்பு விவகாரத்தில் முன்னேற்றம் ஏற்படுவதற்கான நடவடிக்கைகளை துரிதப்படுத்தவேண்டும் என்று வலியுறுத்தியுள்ளார்.

மனித உரிமைகளுக்கான அடிப்படை மூலதர்மங்களை உறுதிப்படுத்துவதற்கான வேலைகள் முன்னெடுக்கப்பட வேண்டும் என்றும் கமரோன் சுட்டிக்காட்டியிருந்தார்.

இந்தப் பின்னணியில், இலங்கைப் பற்றி கேட்கப்பட்ட போது பதிலளித்துள்ள பிரித்தானிய பிரதமர் டேவிட் கமரோன், இலங்கையில் என்னதான் நடந்தது, போர்க்குற்றங்கள் நடந்தனவா, அவற்றுக்கு யார் பொறுப்புக்கூற வேண்டும் என்பவற்றை முழுமையாகக் கண்டறிவதற்காக முறையான, சுயாதீனமான, விசாரணை நடைமுறைகள் அவசியம் என்று சுட்டிக்காட்டியுள்ளார்.

இதேவேளை, பிரித்தானியாவின் முன்னாள் வெளியுறவு அமைச்சர் சேர் மல்கொம் ரிஃப்கின் உட்பட பொதுநலவாய நாடுகளின் முக்கிய பிரமுகர்களை உள்ளடக்கிய குழுவொன்று, கொமன்வெல்த் நாடுகள் எதிர்நோக்கியுள்ள சவால்கள் பற்றி ஆராய்ந்து 100க்கும் அதிகமான பரிந்துரைகளை முன்வைத்துள்ளது.

பொதுநலவாய நாடுகள் அமைப்பு 21ம் நூற்றாண்டு உலகுக்கு பொருத்தமாக அமைய வேண்டும் என்ற கோரிக்கை இந்த முயற்சியில் முன்வைக்கப்பட்டுள்ளது.

இதன்படி, உரிமைகள் மற்றும் சுதந்திரம் தொடர்பான புதிய சமவாயம் ஒன்றை உருவாக்குவது பற்றியும் டேவிட் கமரோன் கருத்து வெளியிட்டுள்ளார்.

இதுதவிர இன்னும் சர்ச்சைக்குரிய விவகாரமாக, மனித உரிமைகள் மற்றும் சட்டத்தின் ஆட்சி பற்றிய சுயாதீனமான ஆணையர் ஒருவரை நியமிப்பது பற்றியும், ஒருபால் உறவு திருமணங்களை தடைசெய்யும் சட்டங்களை நாடுகள் நீக்கவேண்டும் என்ற கோரிக்கை தொடர்பிலும் பரிந்துரைகள் முன்வைக்கப்பட்டுள்ளன.

இதேவேளை, கொமன்வெல்த் அமைப்பிலிருந்து இலங்கையை நீக்க வேண்டும் என்று கோரி பேர்த் நகரில் தமிழர் அமைப்புகள் போராட்டங்களை நடத்தியுள்ளன.

இலங்கைப் போரில் ஆயிரக்கணக்கான தமிழர்கள் கொல்லப்பட்டதாகவும் படையினரால் போர்க்குற்றங்கள் இழைக்கப்பட்டதாகவும் காட்டும் படங்களையும் பதாகைகளையும் தாங்கிய ஆர்ப்பாட்டக்காரர்கள் இந்த போராட்டத்தில் ஈடுபட்டிருந்தனர்.

ஆனால், தன்மீதான போர்க்குற்றங்களை மறுத்துவரும் இலங்கை அரசு, சர்வதேச ரீதியான, சுதந்திரமான விசாரணைகள் தேவையில்லையென்றும் கூறிவருகின்றமை குறிப்பிடத்தக்கது.

******************

ஸ்ரீலங்காத் தூதரகத்தின் ஆர்ப்பாட்டம்

தமிழர்களுக்குச் சார்பாக செய்திகளை வெளியிடுவதாக கூறி கொமன்வெல்த் மாநாடு நடைபெறும் பேர்த் நகரில், ஏபிசி தொலைச்சாட்சி நிலையத்துக்கு முன்பாக சிங்களவர்கள் நேற்று போராட்டம் ஒன்றை நடத்தியுள்ளனர்.

விடுதலைப் புலிகளுக்கு சார்பான வகையில் செய்திகளை வெளியிடுவதாக இந்தப் போராட்டத்தில் பங்கேற்றவர்கள் ஏபிசி அலைவரிசை மீது குற்றம்சாட்டியதுடன், கண்டனம் தெரிவித்து முழக்கங்களையும் எழுப்பியிருந்தனர்.

அத்துடன் இதுதொடர்பாக தமது எதிர்ப்பைத் தெரிவிக்கும் வகையிலான கடிதம் ஒன்றையும் போராட்டத்தில் ஈடுபட்ட சிங்களவர்கள் ஏபிசி தொலைக்காட்சி நிறுவன அதிகாரிகளிடம் கையளித்திருந்தனர்.

சிறிலங்காவில் இடம்பெற்ற போர்க்குற்றங்கள் தொடர்பான ஆவணப்படங்களை அவுஸ்ரேலியாவின் ஏபிசி தொலைக்காட்சி அண்மையில் ஒளிபரப்பியிருந்தது.

அத்துடன், சிறிலங்கா அதிபர் மகிந்த ராஜபக்ச மற்றும் சிறிலங்காவின் தூதுவர் அட்மிரல் திசார சமரசிங்க ஆகியோருக்கு எதிரான போர்க்குற்றச்சாட்டுகள் தொடர்பான செய்திகளையும் ஏபிசி முக்கியத்துவப்படுத்தி வந்தது.

அவுஸ்ரேலியாவின் பிரதான செய்தி ஊடகமாக ஏபிசியில் வெளியாகின்ற போர்க்குற்றம் தொடர்பான செய்திகள் சிறிலங்கா அரசுக்கு வெறுப்பை ஏற்படுத்தியுள்ள நிலையிலேயே, அங்குள்ள சிறிலங்கா தூதரகத்தின் ஏற்பாட்டில் சிங்களவர்களைக் கொண்டு இந்தப் போராட்டத்தை நடத்துவதற்கு ஏற்பாடுகள் செய்யப்பட்டன.

கொமன்வெல்த் மாநாட்டில் பங்கேற்க வந்துள்ள சிறிலங்கா அதிபரை கைது செய்யக் கோரி நேற்று முன்தினம் பேர்த் நகரில் தமிழர்கள் போராட்டம் நடத்திய நிலையில், அதற்குப் போட்டியாக சிறிலங்கா அரசு சிங்களவர்களை இறக்கிவிட்டு இந்தப் போராட்டத்தை நடத்தியுள்ளது.

******************

கிலாரி சந்திப்பாரா?

சிறிலங்கா அரசின் எதிர்ப்புக் காரணமாக தமிழ்த் தேசியக் கூட்டமைப்பின் பிரதிநிதிகள் குழுவைச் சந்திக்கும் திட்டத்தை அமெரிக்க இராஜாங்கச் செயலர் ஹிலாரி கிளின்ரன் கைவிட்டு விட்டதாக கொழும்பு ஊடகம் ஒன்று தகவல் வெளியிட்டுள்ளது.

அமெரிக்க இராஜாங்கத் திணைக்களத்தின் அழைப்பின் பேரில் வொசிங்டன் சென்ற தமிழ்த் தேசியக் கூட்டமைப்பு பிரதிநிதிகள் நால்வரும் அங்கு இராஜாங்கத் திணைக்கள அதிகாரிகள் பலருடனும் சந்திப்புகளை மேற்கொண்டுள்ளனர்.

அமெரிக்க இராஜாங்கச் செயலர் ஹிலாரி கிளின்ரனையும் இவர்கள் சந்திக்கவுள்ளதாக தகவல்கள் வெளியான போதும், இதுவரை சந்திப்பு இடம்பெற்றதாகத் தகவல் இல்லை.

இந்தநிலையில் சிறிலங்கா அரசின் எதிர்ப்புக் காரணமாக ஹிலாரி கிளின்ரன், தமிழ்த் தேசியக் கூட்டமைப்பைச் சந்திப்பதைக் கைவிட்டுள்ளதாக கொழும்பு ஊடகம் தகவல் வெளியிட்டுள்ளது.

அதேவேளை, அமெரிக்காவின் உதவி இராஜாங்கச் செயலர் றொபேட் ஓ பிளேக் மற்றும் அரசியல் விவகாரங்களுக்கான கீழ்நிலைச் செயலர் வெட்டி சேர்மன் ஆகியோரை கூட்டமைப்பு பிரதிநிதிகள் சந்தித்துள்ளனர்.

மேலும் அமெரிக்க இராஜாங்கத் திணைக்களத்தின் மூத்த கொள்கை வகுப்பு அதிகாரிகளுடனும் சந்திப்புகள் இடம்பெற்றுள்ளன.

அமெரிக்க இராஜாங்கத் திணைக்கள அதிகாரிகளுடனான சந்திப்புகளின் போது தமிழ்த் தேசியக் கூட்டமைப்பு 30 பக்க ஆவணம் ஒன்றை கையளித்துள்ளது.

மனிதஉரிமை மீறல்கள், மற்றும் போர்க்குற்றங்கள் தொடர்பான விபரங்கள் அடங்கிய இந்த ஆவணத்தை கருத்தில் கொண்டு சிறிலங்கா அரசின் மீது அமெரிக்கா அழுத்தங்களைக் கொடுக்க வேண்டும் என்று தமிழ்த் தேசியக் கூட்டமைப்புப் பிரதிநிதிகள் கேட்டுக் கொண்டுள்ளதாகவும் கொழும்பு ஊடகத் தகவல்கள் தெரிவிக்கின்றன.

******************

தெரியாது திணறும் ஸ்ரீலங்கா!

தமிழ்த்தேசியக் கூட்டமைப்பின் அமெரிக்க விஜயமானது உணர்ச்சி பூர்வமான விடயம் என்று இலங்கை பாராளுமன்ற சபை முதல்வரும் அமைச்சருமான நிமல் சிறிபால டி சில்வா தெரிவித்துள்ளார்.

அந்த விஜயம் பற்றி உத்தியோகபூர்வமாக அரசாங்கத்துக்கு எதுவும் தெரியாத நிலையில் அது குறித்து கருத்து வெளியிட முடியாது என்றும் கூறியுள்ளார்.

இந்த விஜயத்திற்கும் அரசுடன் தமிழ்த்தேசியக் கூட்டமைப்பு நடத்திவரும் பேச்சுகளுக்கும் எந்தவித தொடர்புமில்லையென்றும் கூறினார்.

ஐ.நா. செயலாளர் நாயகம் பான் கீ மூனை தமிழ்க் கூட்டமைப்பினர் சந்திப்பதற்கான சாத்தியங்கள் பற்றியும் தகவல்கள் வெளியாகியுள்ளன.

இதற்கிடையே அரசாங்கத்தினர் முதற்கொண்டு இலங்கையிலுள்ள பல்வேறு அரசியல் கட்சிகளும் தமிழ்த்தேசியக் கூட்டமைப்பின் அமெரிக்க விஜயம் பற்றி பல்வேறு கருத்துகளை வெளியிட்டுள்ளனர்.

இதில் எதிர்க்கட்சியினர் சிலர் அரசாங்கத்தின் மீதும் குற்றச்சாட்டுகளை முன்வைத்திருந்தனர்.

இவ்வாறான நிலைமையிலேயே தமிழ்த்தேசியக் கூட்டமைப்பினரின் அமெரிக்க விஜயம் பற்றி அரசாங்கத்துக்கு உத்தியோகபூர்வமாக எதுவும் தெரியாது என்று தமிழ்க் கூட்டமைப்புடன் பேச்சுகளில் ஈடுபடும் அரச குழுவின் தலைவர் அமைச்சர் நிமல் சிறிபால டி சில்வா தெரிவித்துள்ளார்.

இவ்விஜயம் பற்றி தாம் பல்வேறு ஊடகச் செய்திகள் மூலம்தான் தகவல்களை அறிந்துள்ளோமே தவிர, உத்தியோகபூர்வமாக எதுவும் தெரியாது என அமைச்சர் தெரிவித்துள்ளார்.

******************

முயற்சி பலிக்கவில்லை

தமிழ்த் தேசியக் கூட்டமைப்பின் பிரதிநிதிகள் ஐ.நா பொதுச்செயலர் பான் கீ மூனைச் சந்திப்பை தடுத்து நிறுத்த சிறிலங்கா அரசு மேற்கொண்ட முயற்சி பலளிக்கவில்லை என்று கொழும்பு ஆங்கில வாரஇதழ் ஒன்று தகவல் வெளியிட்டுள்ளத

தமிழ்த் தேசியக் கூட்டமைப்பின் தலைவர் இரா.சம்பந்தனும், நாடாளுமன்ற உறுப்பினர் எம்.ஏ.சுமந்திரனும் நியுயோர்க்கில் ஐ.நா பொதுச்செயலர் பான் கீ மூனை சந்திக்கவுள்ளனர்.

இந்தச் சந்திப்புத் தொடர்பாக தமிழ்த் தேசியக் கூட்டமைப்பு மௌனம் காத்து வருகிறது.

ஆனால் ஊடகங்கள் இந்தத் தகவலை வெளியிட்டுள்ளன.

சிறிலங்கா வெளிவிவகார அமைச்சுக்கோ அல்லது ஐ.நாவில் உள்ள சிறிலங்காவின் தூதுவர் பாலித கொஹன்னவுக்கோ இந்தச் சந்திப்புத் தொடர்பாக அதிகாரபூர்வமாக அறிவிக்கப்படவில்லை.

ஐ.நா மனிதஉரிமைகள் ஆணையாளர் நவநீதம்பிள்ளையே தமிழ்த் தேசியக் கூட்டமைப்புக்கும் ஐ.நா பொதுச்செயலருக்கும் இடையிலான சந்திப்பை ஒழுங்கு செய்து கொடுத்துள்ளதாக தகவல்கள் வெளியாகியுள்ளன.

தமிழ்த் தேசியக் கூட்டமைப்பை பான் கீ மூன் சந்திப்பதற்கு ஐ.நாவுக்கான சிறிலங்காவின் தூதுவர் பாலித கொஹன்ன எதிர்ப்புத் தெரிவித்துள்ளார்.

இந்தச் சந்திப்பை ஐ.நா பொதுச்செயலர் கைவிட வேண்டும் என்றும் அவர் கோரிக்கை விடுத்திருந்தார்.

ஆனால் இந்தக்கட்டத்தில் சந்திப்பை இடைநிறுத்த முடியாது என்று சிறிலங்காவின் கோரிக்கையை பான் கீ மூன் நிராகரித்து விட்டதாகவும் தெரியவந்துள்ளது.

அதேவேளை கடந்தவாரம் ஐ.நா பொதுச்செயலர் பான் கீ மூனைச் சந்தித்த சிறிலங்கா அதிபரின் சிறப்புத் தூதுவர் அமைச்சர் மகிந்த சமரசிங்க, இதுதொடர்பான நிலைப்பாட்டை முன்கூட்டியே தெளிவுபடுத்தியுள்ளார்.

தமிழ்த் தேசியக் கூட்டமைப்பு தமிழ் மக்களின் ஒரே பிரதிநிதிகள் அல்ல என்றும் ஏனைய தமிழ்க் கட்சிகளும் அங்கிருப்பதாகவும் அவர் பான் கீ மூனுக்கு எடுத்துக் கூறியுள்ளார் என்றும் கொழும்பு ஆங்கில வாரஇதழ் குறிப்பிட்டுள்ளது.

******************

கண்டறிந்த உண்மை இரகசியமானது!

இலங்கையின் கற்றுக் கொண்ட பாடங்கள் மற்றும் நல்லிணக்க ஆணைக்குழுவின் இறுதி அறிக்கை பொதுமக்கள் பார்வைக்கு வழங்கப்படாது என்று தெரிவிக்கப்பட்டுள்ளது.

ஆணைக்குழுவின் ஊடக தொடர்பாளரான லக்ஸ்மன் விக்கிரமசிங்க இதனை தெரிவித்துள்ளார்.

தமது இறுதி அறிக்கையின் நகல் தயாரிக்கப்பட்டுள்ளது.

இந்தநிலையில் இறுதி அறிக்கை மகிந்த ராஜபக்ஷவிடம் அடுத்த மாதம் இரண்டாவது வாரத்தில் கையளிக்கப்படும் என்றும் அவர் கூறியுள்ளார்.

இந்தநிலையில் ஆணைக்குழுவின் அறிக்கையைப் பகிரங்கப்படுத்துவது தொடர்பில் அரசுத் தலைவரே தீர்மானிக்க வேண்டும் எனவும் லக்ஸ்மன் விக்கிரமசிங்க கூறியுள்ளார

******************

மோசமான பரீட்சை முறைமை

உலகின் மிகவும் இழிவான பரீட்சை முறைமை இலங்கையில் காணப்படுவதாக பரீட்சைகள் ஆணையாளர் நாயகம் அனுர எதிரிசிங்க தெரிவித்துள்ளார்.

கண்டி உயர் பாடசாலையில் நடைபெற்ற வருடாந்த பரிசளிப்பு விழாவில் கலந்து கொண்டு உரையாற்றிய போது அவர் இதனைக் குறிப்பிட்டுள்ளார்.

சில பரீட்சை வினாத் தாள்களுக்கு மாணவர்களுக்கு மட்டுமன்றி அதனைத் தயாரிக்கும் பேராசிரியர்களினாலும் விடை எழுத முடியாது.

தன்னைப் பற்றி நினைக்கும் போது தான் சிறுவர் துஸ்பிரயோகத்தில் ஈடுபடுகின்றேனா எனத் தோன்றுகின்றது என அவர் தெரிவித்துள்ளார்.

ஆபிரிக்க கோத்திர சமூகங்களைத் தவிர இவ்வாறு கடுமையான பரீட்சை முறைமைகள் உலகில் வேறு எங்கும் கிடையாது.

மாணவர்களின் ஆற்றலை மதிப்பீடு செய்வதற்காக பயன்படுத்தப்படும் ஒர் பொறிமுறையாக பரீட்சை அமைந்துள்ள போதிலும் நாட்டில் அமுலில் உள்ள பரீட்சை முறைமையினால் எவருக்கும் நன்மையில்லை.

நாட்டின் ஒட்டுமொத்த பரீட்சை முறைமையிலும் மாற்றம் ஏற்படுத்தப்பட வேண்டுமென பரீட்சை ஆணையாளர் அனுர எதிரிசிங்க தெரிவித்துள்ளார்.

******************

செய்திகள் 15/10

அழுத்தம் வருமா?

போரின் இறுதிக்கட்டத்தில் இடம்பெற்ற மனிதஉரிமை மீறல்களுக்கு பொறுப்புக் கூறும் நடவடிக்கைகளில் சிறிலங்கா அரசாங்கம் முன்னேற்றத்தை காண்பிக்க வேண்டும் என்று கனேடியப் பிரதமர் தொடர் அழுத்தங்களைக் கொடுத்து வருகின்றார்.

இதனால் இரண்டு வாரங்களில் நடைபெறவுள்ள கொமன்வெல்த் மாநாட்டில் பிளவுகள் ஏற்படலாம் என்று கனேடிய ஊடகம் ஒன்று குறிப்பிட்டுள்ளது.

எதிர்வரும் 28ம் நாள் தொடக்கம் 30ம் நாள் வரை அவுஸ்ரேலியாவின் பேர்த் நகரில் நடைபெறவுள்ள கொமன்வெல்த் தலைவர்களின் உச்சி மாநாட்டில், கனேடியப் பிரதமர் ஸ்ரீபன் ஹாபர், இந்த விவகாரத்தை எழுப்பவுள்ளார்.

சிறிலங்கா அரசின் நடவடிக்கைகள் தமக்குத் திருப்தி தராது போனால் 2013இல் சிறிலங்காவில் நடைபெறவுள்ள கொமன்வெல்த் தலைவர்களின் மாநாட்டைப் புறக்கணிக்கப் போவதாகவும் அவர் கூறியுள்ளார்.

கொமன்வெல்த் மாநாட்டில், இதுதொடர்பாகக் கலந்துரையாடப்படும் என்று தாம் எதிர்பார்ப்பதாகவும், பிரதமர் ஸ்ரீபன் ஹாபர் தனது நிலைப்பாட்டை அங்கு தெளிவுபடுத்துவார் என்றும் கனேடியப் பிரதமரின் தொடர்பாடல்களுக்கான இணைப்பணிப்பாளர் அன்ரூ மக் டௌகல் நேற்றுத் தெரிவித்துள்ளார்.

கனேடிய ஊடகம் ஒன்றில் ஒரு மாதத்துக்கு முன்னர் நடத்தப்பட்ட வட்டமேசைக் கலந்துரையாடல் ஒன்றில், பிரதமர் ஸ்ரீபன் ஹாபர் இந்த விவகாரம் தொடர்பாக வெளிப்படுத்திய நிலைப்பாட்டில் இருந்து தடுமாறவில்லை என்றும் அவர் மேலும் கூறியுள்ளார்.

ஆனால் இந்த விவகாரம் குறித்து கொமன்வெல்த்தில் கலந்துரையாடத் தேவையில்லை என்று தமது நாடு கருதுவதாக கனடாவுக்கான சிறிலங்காவின் தூதுவர் சித்ராங்கனி வாகீஸ்வரா கூறியுள்ளார்.

பேர்த்தில் பிளவுகளை உருவாக்க தாம் விரும்பவில்லை என்றும், கனடாவும் அதையே விரும்பும் என்று கருதுவதாகவும் அவர் மேலும் தெரிவித்துள்ளார்.

போரின் இறுதிக்கட்டத்தில் மனிதஉரிமை மீறல்கள் இடம்பெற்றதான குற்றச்சாட்டையும் சிறிலங்கா தூதுவர் நிராகரித்துள்ளார்.

அதேவேளை கனடாவின் தேசிய ஜனநாயக் கட்சியின் வெளிவிவகாரப் பிரிவைச் சேர்ந்த ஹெலன் லவென்டியர், சிறிலங்காவில் இடம்பெற்ற மனிதஉரிமை மீறல்கள் பற்றிய குற்றச்சாட்டுகள் தொடர்பாக அனைத்துலக விசாரணைகள் அவசியம் என்றே தமது கட்சி கருதுவதாக கூறியுள்ளார்.

கனேடியப் பிரதமர் பேர்த் மாநாட்டில் இதுபற்றி கலந்துரையாடுவார் என்று நம்புவதாகவும் அவர் மேலும் குறிப்பிட்டுள்ளார்.

கொமன்வெல்த் தென்னாபிரிக்கா விவகாரத்தில் கையாண்டது போன்று இந்த விடயத்திலும் முக்கியமான பங்கை வகிக்க முடியும் என்றும் ஹெலன் லவென்டியர் கூறியுள்ளார்.

***********************

காரணமின்றி ரத்து

ஓக்டோபர் மாதம் 16ம் 17ம் திகதிகளில் மிஸிஸாகா நகரில் உள்ள லிவிங் ஆர்ட்ஸ் மண்டபத்தில் நடக்கவிருந்த சிறீலங்கா அரசின் சுற்றுலா மற்றும் வர்த்தக கண்காட்சி காரணங்களின் அறிவிப்பின்றி திடீரென ரத்து செய்யப்பட்டுள்ளது.

இத் தகவலை மிஸிஸாகா நகர காவல்துறையினர் கனடிய தமிழர் பேரவைக்கு தெரிவித்தனர்.

எதுவித காரணங்களின் அறிவிப்புமின்றி இக் கண்காட்சி ரத்து செய்யப்பட்டிருந்தாலும் கனடிய தமிழரின் ஒருங்கிணைந்த எதிர்ப்பும் அவர்கள் ஏற்பாடு செய்திருந்த மாபெரும் புறக்கணிப்பு ஆர்ப்பாட்டமுமே முக்கிய காரணிகளாக இருக்கலாம் என அரசியல் ஆர்வலர்கள் கருத்துத் தெரிவித்துள்ளனர்.

இக் கண்காட்சி ரத்து செய்யப்பட்டுள்ளதால் ஒக்டோபர் 16, 17ம் திகதிகளில் ஏற்பாடு செய்யப்பட்ட புறக்கணிப்பு ஆர்ப்பாட்டத்துக்கு தமிழ் மக்கள் கூடத்தேவையில்லை என கனடிய தமிழர் பேரவையினர் கேட்டுக்கொண்டுள்ளனர்.

எனினும் பாரதூரமான போர்க் குற்றங்களை புரிந்திருக்கும் சிறீலங்கா அரசின் நிகழ்ச்சிகளை மிஸிஸாகா நகரில் நடக்க அனுமதிக்க வேண்டாமென மிஸிஸாகா நகரபிதா மற்றும் அங்கத்தவர்களை கேட்டுக்கொள்ளும் இணைத்தளம் மூலமான மனுவில் கனடிய தமிழ் மக்கள் தொடர்ந்து கையெழுத்திடுமாறு கேட்டுக்கொள்ளப்பெற்றுள்ளது.

இவ் மனுவானது எதிர்வரும் ஒக்டோபர் 17ம் திகதி மிஸிஸாகா நகரபிதாவின் காரியாலத்துக்கு சமர்ப்பிக்கப்படும்.

***********************

குழம்பிய மகிந்த

இனப்பிரச்சினைத் தீர்வுக்கான பேச்சில் தமிழ்த் தேசியக் கூட்டமைப்பு ஒருமித்த கருத்துடனேயே செயற்படுகின்றது.

எனினும், அரசு ஒருமித்த கருத்துடன் செயற்படுகிறதா என்பது சந்தேகமாகவே உள்ளது என தமிழ்த் தேசியக் கூட்டமைப்புத் தெரிவித்துள்ளது.

கூட்டமைப்புக்குத் தமிழ் மக்கள் வழங்கிய ஆணையையும், சர்வதேசத்தின் எதிர்பார்ப்பையும் கருத்திற்கொண்டு அரசே தீர்வை விரைந்து முன்வைக்கவேண்டும் என்று தமிழ்த் தேசியக் கூட்டமைப்பின் இணைச் செயலர் மாவை சேனாதிராஜா நேற்றுத் தெரிவித்தார்.

இனப்பிரச்சினைக்கான தீர்வு குறித்த பேச்சில் தமிழ்த் தேசியக் கூட்டமைப்பு ஒருமித்த கருத்துடன் பேசுவதற்கு முன்வரவேண்டும் என நேற்றுமுன்தினம் அலரிமாளிகையில் பத்திரிகை ஆசிரியர்களைச் சந்தித்தபோது மஹிந்த ராஜபக்ஷ கூறியிருந்தார்.

இது தொடர்பாக மாவை சேனாதிராஜா தெரிவித்தபோது பேச்சில் தமிழ்த் தேசியக் கூட்டமைப்பு ஒருமித்த கருத்துடனேயே கலந்துகொள்கிறது.

ஆனால், அரசு ஒருமித்த கருத்துடன், நோக்கத்துடன் பங்குகொள்கிறதா என்ற சந்தேகம் ஏற்பட்டுள்ளது.

பேச்சில் தமிழ் மக்களின் ஒருமித்த யோசனைகளையே கூட்டமைப்பு அரசிடம் சமர்ப்பித்திருக்கிறது.

எனினும், அரசு அவ்வாறு செயற்படுவதில்லை. ஒவ்வொரு கலந்துரையாடலின் போதும் ஏதாவது ஒரு காரணத்தைச் சுட்டிக்காட்டி, திகதிகளை இழுத்தடிக்கிறது எனத் தெரிவித்தார்.

***********************

பதிவை எதிர்த்து வழக்கு

வடக்கில் உள்ள அனைத்துக் காணிகளையும் அரசு பதிவு செய்வதை எதிர்த்து தமிழ்த் தேசியக் கூட்டமைப்பு உயர் நீதிமன்றத்தில் அடிப்படை உரிமை மீறல் மனுத் தாக்கல் செய்யவுள்ளது.

யாழ். மாவட்ட நாடாளுமன்ற உறுப்பினரான எம். ஏ. சுமந்திரன் கூட்டமைப்பின் சார்பில் அடுத்த வாரம் இந்த மனுவைத் தாக்கல் செய்வார் என்று கட்சி வட்டாரங்கள் தெரிவித்தன.

வடக்கில் காணிகளைப் பதியும் நடவடிக்கைகளை அரசு தீவிரமாக மேற்கொண்டு வருகின்றது.

இது குறித்து பொதுமக்களிடம் சந்தேகங்களும் குழப்பங்களும் நிலவுகின்றன.

வடக்கில் உள்ள சட்டத்தரணிகள் இந்த நடவடிக்கையை எதிர்த்து வருகின்றனர்.

எனினும் அரச அதிகாரிகள் பதிவுகளைத் தொடர்ந்து வருகின்றனர்.

போரினால் பாதிக்கப்பட்ட வடக்கில் அவசர அவசரமாகக் காணிகளை அரசு பதிவு செய்ய வேண்டியதன் நோக்கம் என்ன என்று தமிழ்த் தேசியக் கூட்டமைப்புக் கேள்வி எழுப்பி வந்ததுடன் எதிர்ப்பும் தெரிவித்து வருகிறது.

இது தொடர்பில் நாடாளுமன்றத்தில் விவாதம் ஒன்றை நடத்துவதற்கான பிரேரணை அண்மையில் நாடாளுமன்ற உறுப்பினர் அப்பாத்துரை விநாயகமூர்த்தி சபையில் கொண்டு வந்தார்.

அதனை வழிமொழிய எந்த நாடாளுமன்ற உறுப்பினரும் அப்போது சபையில் இல்லாத காரணத்தால் விவாதத்தை நடத்த முடியாமல் போனது.

இந்த வாரத்தில் காணிப் பதிவு குறித்து மீண்டும் விவாதம் நடத்துவதற்கான முயற்சிகளை கூட்டமைப்பு எடுத்துள்ளது.

நாடாளுமன்றத்தில் விவாதம் நடத்தப்பட்ட மறுநாள் உயர் நீதிமன்றத்தில் அடிப்படை உரிமை மீறல் மனுவைக் கூட்டமைப்பு தாக்கல் செய்யும்.

நீதிமன்றத்தில் வழக்கைத் தாக்கல் செய்த பின்னர் நாடாளுமன்றில் விவாதத்தைக் கோரினால், நீதிமன்றில் உள்ள விவகாரம் குறித்துப் பேச முடியாது என்று தட்டிக் கழித்துவிடுவார்கள்.

அதனால் நாடாளுமன்ற விவாதம் முடியும் வரைக்கும் காத்திருக்க வேண்டி இருக்கிறது என்று கூட்டமைப்பு நாடாளுமன்ற உறுப்பினர் ஒருவர் தெரிவித்துள்ளார்.

***********************

நிதி நிறுத்தம் - மக்கள் அவலம்

சர்வதேச நியமங்களுக்கு அமைவாக சிறீலங்கா அரசாங்கத்தினால் மீள்குடியேற்றம் இடம்பெறாமையால் வெளிநாட்டுத் தொண்டு நிறுவனங்களினால் வழங்கப்பட்ட நிவாரண உதவிகள் அனைத்தும் இடைநிறுத்தப்பட்டுள்ளதாக தகவல் வெளியாகியுள்ளது.

முல்லைத்தீவு மாவட்டத்தின் புதுக்குடியிப்பு, பொக்கனவட்டுவாள், புதுமாத்தளன், போன்ற 16 கிராமங்களைச் சேர்ந்த 8 ஆயிரம் குடும்பங்களை சேர்ந்த சுமார் 28 ஆயிரத்துக்கும் மேற்பட்ட மக்களை அவர்களின் சொந்த இடங்களில் குடியமர்த்தாது வேறு இடங்களில் மீள்குடியமர்த்தப்படுவதனால் தொண்டு நிறுவனங்களினால் வழங்கப்பட்ட உதவிகள் அனைத்தும் நிறுத்தப்பட்டுள்ளது.

கோம்பாவில் பகுதியல் மீள்குடியேற்றம் எனத் தெரிவித்து கோம்பாவிலிருந்து வெகுதூரத்தில் உள்ள திம்பிலி எனும் காட்டுப்பகுதிக்குள் குடிநீர், மருத்துவம், மலசல கூடவசதிகள் இன்றி கால்நடைகளைப் போன்று எவ்வித அடிப்படை வசதிகளுமற்ற நிலையில் மரநிழலின் கீழ் சிறீலங்கா அரசினால் விடப்பட்டுள்ளனர்.

இடம்பெயர்ந்தவர்களுக்கான உதவிகளையும் தன்னார்வ தொண்டு நிறுவனங்கள் நிறுத்திவிட்ட நிலையில் பெருமளவில் வாழ்வாதாரங்கள் பாதிக்கப்பட்ட நிலையில் இந்த மக்கள் காணப்படுகின்றார்கள்.

இங்கு இடம்பெறும் அனைத்து அபிவிருத்தித் திட்டங்களிலும் படையினரின் பிரசன்னமே அதிகமாக உள்ளதாக தெரிவிக்கப்படுகிறது.

எந்த ஒரு பொது அமைப்புக்களும் உள் நுழைய படையினர் அனுமதியளிக்கவில்லை.

காடுகளை அகற்றுவதிலிருந்து மக்களுக்கான உதவிகளை வழங்குவதில் அனைத்தும் படையினரால் மேற்கொள்ளப்படுவது பெரும் அச்சத்தை ஏற்படுத்தியுள்ளதாகவும் தெரிவிக்கின்றனர்இ

***********************

பாரபட்டசம் காட்டும் அமைச்சர்

தமிழ்த் தேசியக் கூட்டமைப்பின் வசமுள்ள பிரதேச மற்றும் நகர சபைகளின் அபிவிருத்திக்கென நிதி எதுவும் வழங்கப்படமாட்டாது என்று இலங்கையின் பொருளாதார அபிவிருத்தி அமைச்சர் பசில் ராஜபக்ச தெரிவித்துள்ளார்.

இந்தத் தகவலை வவுனியா வடக்கு பிரதேச சபைக்கான அபிவிருத்திக்குழுவின் தலைவரும் நாடாளுமன்ற உறுப்பினருமான பாரூக் தெரிவித்துள்ளார்.

நெடுங்கேணி பிரதேசத்திற்கான அபிவிருத்திக்குழுவிற்கான கூட்டம் நேற்று நடைபெற்றிருந்தது.

இதன் போது பிரதேச அபிவிருத்திக்கென நிதி ஒதுக்கீடு தேவையென தமிழ்த் தேசியக் கூட்டமைப்பினைச் சேர்ந்த பிரதேச சபை உறுப்பினர் ஒருவர் கேள்வி எழுப்பியிருக்கின்றார்.

இதற்குப் பதிலளித்த நாடாளுமன்ற உறுப்பினர் பாருக், உங்கள் சபைகளின் அபிவிருத்திக்கான நிதியினை தமிழ்த் தேசியக் கூட்டமைப்பிடம் இருந்து பெற்றுக்கொள்ளுங்கள்.

கூட்டமைப்பின் வசமுள்ள சபைகளுக்கு எந்தவித நிதி ஒதுக்கீடும் வழங்கப்படமாட்டாது என்று பொருளாதார அபிவிருத்தி அமைச்சர் பசில் ராஜபக்ச தம்மிடம் தெரிவித்ததாக கூறியிருக்கின்றார்.

இதனை அடுத்து கூட்டத்தில் இருந்த மக்கள், இது எந்த வகையில் நியாயம்? இதனை ஏற்றுக்கொள்ள முடியாது என்று கடும் ஆட்சேபம் வெளியிட்டிருக்கின்றனர்.

நிலைமை கட்டுக்கடங்காது சென்றதை அடுத்து, நிதிக்கான கோரிக்கையை முன்வைப்பது தொடர்பில் பின்னர் கூடி ஆராய்வோம் என்று நாடாளுமன்ற உறுப்பினர் பாருக் மக்களைச் சமாளித்துச் சென்றதாக நெடுங்கேணித் தகவல்கள் தெரிவிக்கின்றன.             

***********************

ஏமாற்ற வழிதேடும் ஆட்சியாளர்

உள்ளூராட்சி மாகாண சபைகள் தேர்தல் திருத்தச் சட்ட மூலத்தை துரிதமாக நிறைவேற்ற அரசாங்கம் திட்டமிட்டுள்ளது.

வரவு செலவுத் திட்ட விவாதத்திற்கு முன்னர் அதனை நிறைவேற்றுவது குறித்து கவனம் செலுத்தப்பட்டுள்ளதாக அமைச்சரவைப் பேச்சாளர் அமைச்சர் கெஹலிய ரம்புக்வெல்ல கூறினார்.

அமைச்சரவை முடிவுகளை அறிவிக்கும் ஊடகவியலாளர் மாநாட்டில் கருத்துத் தெரிவித்த அவர்; முல்லேரியா சம்பவத்தின் மூலம் தேர்தல் முறையிலும் மாற்றம் வேண்டும் என்பது உணர்த்தப்பட்டுள்ளது.

தேர்தல் முறையை மாற்றுவதற்கான காலம் எழுந்துள்ளது.

உள்ளூராட்சி தேர்தல் திருத்தச் சட்டமூலம் பாராளுமன்றத்தில் சமர்ப்பிக்கப்பட்டுள்ளது.

முதலாவது வாசிப்பு முடிவடைந்துள்ளது. சில திருத்தங்கள் மேற்கொள்ள வேண்டும் என கோரப்பட்டுள்ளதால் அதில் தாமதம் ஏற்பட்டுள்ளது.

சகல கட்சிகளினதும் இணக்கத்துடன் வரவு செலவுத் திட்டத்திற்கு முன்னர் இதனை அமுல்படுத்த நடவடிக்கை எடுக்கப்படும்.

அல்லது வரவு செலவுத் திட்டத்தின் பின்னர் துரிதமாக அதனை நிறைவேற்றுவோம் எனத் தெரிவித்துள்ளார்.

***********************

செய்திகள் 10/10

காணிப்பதிவை தடுத்த நிறுத்தக் கோரும் கூட்டமைப்பு

புதிய பிரதேசசெயலகங்களை நிறுவும் நோக்கில் வடக்கு, கிழக்குப் பகுதிகளில் சிறிலங்கா அரசாங்க மற்றும் தனியார் காணிகளை மீள்பதிவு செய்யும் நடவடிக்கைகளை தடுத்து நிறுத்த இந்தியா உதவ வேண்டும் என்று தமிழ்த் தேசியக் கூட்டமைப்பு கோரிக்கை விடுத்துள்ளது.

சிறிலங்காவுக்கு மூன்று நாள் பயணத்தை மேற்கொண்டுள்ள இந்திய வெளிவிவகாரச் செயலர் ரஞ்சன் மத்தாயை நேற்றுமாலை சந்தித்துப் பேசிய போதே தமிழ்த் தேசியக் கூட்டமைப்பின் பிரதிநிதிகள் இந்த வேண்டுகோளை முன்வைத்துள்ளனர்.

இரா.சம்பந்தன் தலைமையிலான தமிழ்த் தேசியக் கூட்டமைப்பின் பிரதிநிதிகள் பங்கேற்ற இந்தச் சந்திப்புத் தொடர்பாக கூட்டமைப்பின் நாடாளுமன்ற உறுப்பினர் சுரேஸ் பிறேமச்சந்திரன் தகவல் வெளியிடுகையில், காணிகளை மீள்பதிவு செய்யும் நடவடிக்கை சந்தேகத்துக்குரியது என்றும் இனரீதியாக பாரபட்சமான ஒரு நகர்கவாக இருக்கும் என்று தாம் நம்புவதாகவும் ரஞ்சன் மத்தாயிடம் எடுத்துக் கூறியதாகத் தெரிவித்துள்ளார்.

இந்த காணி மீள்பதிவுகளின் அடிப்படையில் புதிய பிரதேச செயலகத்தை முல்லைத்தீவில் உருவாக்க சிறிலங்கா அரசு முனைவதாகவும், இந்த முயற்சிகளைத் தடுத்து நிறுத்த இந்தியா உதவ வேண்டும் என்று கேட்டுக் கொண்டதாகவும் அவர் மேலும் கூறியுள்ளார்.

அரசியல்தீர்வு தொடர்பாக சிறிலங்கா அரசுடன் தமிழ்த் தேசியக் கூட்டமைப்பு நடத்தும் பேச்சுக்கள் தொடர்பாக இந்தியா மகிழ்ச்சியடைவதாக ரஞ்சன் மத்தாய் தம்மிடம் தெரிவித்தாகவும் சுரேஸ் பிறேமச்சந்திரன் தெரிவித்துள்ளார்.

வடக்கு கிழக்கில் உள்ள உயர்பாதுகாப்பு வலயங்கள் தொடர்பாகவும் ரஞ்சன் மத்தாயிடம் தாம் எடுத்துக் கூறியுள்ளதாகவும் அவர் மேலும் தகவல் வெளியிட்டுள்ளார்.

********************

இந்தியாவிடம் முறைப்படும் தமிழ் பிரதிநிதிகள்

இலங்கையின் வடக்கு, கிழக்கில் இலங்கை அரசாங்கம் மேற்கொள்கின்ற பல்வேறு செயற்பாடுகள் குறித்து இந்தியாவிடம் முறையிடப்பட்டுள்ளதாக தமிழ்த் தேசியக் கூட்டமைப்பு தெரிவித்துள்ளது.

இந்திய வெளியுறவு செயலாளர் ரஞ்சன் மாத்தாயை நேற்று கொழும்பில் வைத்து சந்தித்த போது வடக்கில் தமிழர்கள் காணிக்கள் பதிவு செய்யப்படுவது குறித்து முறையிடப்பட்டது.

அத்துடன் சிங்கள குடியேற்றங்களுக்காக எல்லை நிர்ணயம் செய்யப்படுவது குறித்தும் முறையிடப்பட்டதாக தமிழ்த் தேசியக் கூட்டமைப்பின் நாடாளுமன்ற உறுப்பினர் சுரேஸ் பிரேமசந்திரன் தெரிவித்துள்ளார்.

இலங்கை அரசாங்கம் இனப் பிரச்சினைக்கான பேச்சுவார்த்தையை தம்முடன் நடத்துகின்ற போதும் அது தட்டிக்கழிக்கும் போக்குடன் இடம்பெற்று வருகிறது.

வடக்கு, கிழக்கில் தமிழ்மக்கள் மீது தொடர்ந்தும் பாதுகாப்பு கெடுபிடிகள் மேற்கொள்ளப்படுகின்றன.

அத்துடன் ஒரு பக்கத்தில் பேச்சுவார்த்தை மறு பக்கத்தில் தமிழர் விரோத போக்கு என்ற அடிப்படையிலேயே இலங்கை அரசாங்கம் செயற்படுவதாக தமிழ்த் தேசியக் கூட்டமைப்பினர் ரஞ்சன் மாத்தாயிடம் முறையிட்டனர்.

இந்த நிலைமைகள் தொடர்பில் இன்று அரசுத் தலைவரை சந்திக்கும் போது ரஞ்சன் மாத்தாய், கேள்வி எழுப்பவேண்டும் என்று தாம் எதிர்ப்பார்ப்பதாகவும் தமிழ்த் தேசியக் கூட்டமைப்பு நேற்றைய சந்திப்பின் போது கோரிக்கை விடுத்துள்ளதாக சுரேஸ் பிரேமசந்திரன் குறிப்பிட்டுள்ளார்.

********************

காலதாமதம் ஏன்?

யுத்தம் முடிவடைந்து சுமார் மூன்று வருடங்கள் கடந்துள்ள நிலையிலும் வடக்கில் தமிழ் மக்களை மீளக்குடியமர்த்தும் பணிகள் இன்னமும் முழுமை பெறாதுள்ளதற்கான காரணங்கள் என்ன என்று நேற்று யாழ்ப்பாணத்தில் அரச பிரதிநிதியான ஆளுநரிடம் இந்திய வெளியுறவுச் செயலர் ரஞ்சன் மாத்தாய் கேள்வி எழுப்பியுள்ளார்.

மூன்று நாள் பயணமாக இலங்கை சென்ற ரஞ்சன் மாத்தாய் தலைமையிலான இந்தியக் குழுவினர் நேற்றுப் பகல் 11.30 மணியளவில் யாழ்ப்பாணம் சென்றனர்.

விமானம் மூலம் பலாலியை சென்றடைந்த அவர்கள், உடனடியாகக் காங்கேசன்துறைமுகத்துக்குச் சென்று அதன் புனரமைப்புப் பணிகள் குறித்து ஆராய்ந்தனர்.

துறைமுகத்தின் புனரமைப்புக்கான முன்னோடியாக, விடுதலைப் புலிகளால் மூழ்கடிக்கப்பட்ட கப்பல்களை அகற்றும் பணியை சிங்கப்பூர் நிறுவனம் ஒன்றின் மூலம் இந்தியா மேற்கொண்டு வருகிறது. இந்தப் பணிகளையும் மத்தாய் மேற்பார்வையிட்டார்.

அங்கிருந்து பளைக்குச் சென்ற மத்தாய் குழுவினர், அங்கு இந்திய நிதி உதவியில் கட்டப்பட்டுவரும் வீட்டுத் திட்டப் பணிகளை ஆய்வு செய்தனர்.

இந்தியாவால் அமைத்துத் தரப்படும் என்று அறிவிக்கப்பட்ட 50ஆயிரம் வீடுகளின் முதல் தொகுதியான ஆயிரம் வீடுகளை அமைக்கும் பணியின் ஒரு பகுதியாக பளையில் 50 வீடுகள் அமைக்கப்பட்டுள்ளன.

கிட்டத்தட்ட முடிவுக்கு வந்துள்ள அந்த வீடுகளைப் பார்வையிட்ட மத்தாய், இந்தத் திட்டத்தில் காணப்படும் தாமதங்களுக்கான காரணங்களையும் ஆராய்ந்தார்.

பிற்பகல் 1.30 மணிக்கு மத்தாய் குழுவினர் ஆளுநர் தலைமையிலான அரச அதிகாரிகள் குழுவைச் சந்தித்துக் கலந்துரையாடினர்.

அப்போது கண்ணிவெடிகளை அகற்றுவதில் காணப்படும் தாமதங்களாலேயே மீள்குடியமர்வில் தாமதங்கள் ஏற்படுவதாக அரச தரப்பால் சுட்டிக்காட்டப்பட்டது என்று அரச மூத்த அதிகாரி ஒருவர் தெரிவித்தார்.

இந்திய மீனவர்களின் ஆக்கிரமிப்பால் தமிழ் மீனவர்களுக்கு ஏற்படும் பாதிப்புக் குறித்து யாழ். அரச அதிபர் இமெல்டா சுகுமார் இந்தியக் குழுவினருக்கு விளக்கினார்.

இது தொடர்பான புள்ளிவிவரங்கள் அடங்கிய ஆவணம் ஒன்றையும் அவர் கையளித்தார்.

********************

குற்றவாளிகளின் அரங்கம்!

பாதாளக் குழுக்களுடன் தொடர்புடையவர்கள் அரசியலுக்கு வந்தால், நாட்டில் இவ்வாறான கொடூரச் சம்பவங்களே அரங்கேறும் என சிரேஷ்ட அமைச்சர் டியூ. குணசேகர தெரிவித்துள்ளார்.

முல்லேரியா பகுதியில் நேற்றுமுன்தினம் இடம்பெற்ற துப்பாக்கிச் சமரில் அரசுத் தலைவரின் ஆலோசகரும், தொழிற் சங்கப் பணிப்பாளரும், முன்னாள் அமைச்சருமான பாரத லக்ஷ்மன் பிரேமச்சந்திர உட்பட மூவர் பலியாகினர்.

இந்தச் சம்பவத்தில் கொழும்பு மாவட்ட ஆளுந்தரப்பு நாடாளுமன்ற உறுப்பினர் துமிந்தசில்வா உட்பட பத்துக்கும் மேற்பட்டோர் படுகாயமடைந்தனர்.

பாரத லக்ஷ்மன் பிரேமச்சந்திரவின் ஆதரவாளர்களுக்கும், துமிந்த சில்வாவின் ஆதரவாளர்களுக்கும் இடையே ஏற்பட்ட மோதலினாலேயே இந்தக் கொடூரச் சம்பவம் அரங்கேறியது.

இந்தச் சம்பவம் தொடர்பாக அமைச்சர் டியூ. குணசேகரவிடம் கேட்டபோது, பாதாளக் குழுக்களுடன் தொடர்புடையவர்கள் அரசியலுக்கு வந்தால் நாட்டில் இவ்வாறான சம்பவங்கள்தான் நடைபெறும் எனக் கூறினார்.

********************

வாக்குகளை பிரிக்கும் முயற்சி

கல்முனை மாநகரசபைத் தேர்தலில் தமிழர்களின் வாக்குகள் பிரிக்கப்பட்டமையாலேயே ஏற்கனவே இருந்த இரண்டு ஆசனங்களை இழக்கவேண்டி ஏற்பட்டதாகத் தமிழ்த் தேசியக் கூட்டமைப்பு தெரிவித்துள்ளது.

கல்முனை மாநகரசபைத் தேர்தலில் பெரும் எண்ணிக்கையான சுயேச்சைக் குழுக்களைப் போட்டியிடச் செய்து தமிழர்களின் வாக்குகளைப் பிரிப்பதற்கு இம்முறை கடும் பிரயத்தனம் மேற்கொள்ளப்பட்டதாகத் தமிழ் தேசியக் கூட்டமைப்பின் பாராளுமன்ற உறுப்பினர் அரியநேந்திரன் தெரிவித்தார்.

இம்முறை தேர்தலில் தமிழர்களின் வாக்குகளைப் பிரிப்பதற்கென்றே சுயேச்சைக் குழுக்கள் பல களத்தில் இறக்கப்பட்டன.

இதனாலேயே ஏற்கனவே நம்மிடமிருந்த ஆறு ஆசனங்களில் இரண்டை இழந்து தற்பொழுது நான்கு ஆசனங்களைப் பெற்றுள்ளோம் என்றார்.

நடைபெற்று முடிந்த தேர்தல் குறித்து மேலும் கருத்துத் தெரிவித்த அவர், இந்தத் தேர்தல் முடிவுகள் தெளிவான செய்தியொன்றை அரசாங்கத்துக்குக் கொடுத்துள்ளது.

தமிழ் மக்களின் நம்பிக்கையை வெல்ல வேண்டுமாயின் அரசாங்கம் மேலும் நம்பிக்கையூட்டும் செயற்பாடுகளை முன்வைக்க வேண்டும் என்பதை எடுத்துக்காட்டியுள்ளது எனவும் தெரிவித்துள்ளார்.

********************

தவறிய விருப்பு வாக்கு

கொழும்பு மாநகரசபைக்கான தேர்தலில் தெரிவு செய்யப்பட்ட வேட்பாளர்கள் பெற்றுள்ள விருப்பு வாக்குகள் பற்றிய விபரத்தை சிறிலங்கா தேர்தல் திணைக்களம் வெளியிட்டுள்ளது.

ஐதேக சார்பில் மாநகர முதல்வர் வேட்பாளராக நிறுத்தப்பட்ட ஏ.ஜே.எம். முசம்மில் 55ஆயிரத்து, 448 விருப்பு வாக்குகளைப் பெற்றுள்ளார்.

அவரை அடுத்து கிருசன் ஜோன் ராம் 9ஆயிரத்து 966 வாக்குகள் பெற்று இரண்டாது இடத்தைப் பெற்றுள்ளார்.

ஜனாநாயக மக்கள் முன்னணியின் தலைவரான மனோ கணேசனுக்கு 28ஆயிரத்து, 433 விருப்பு வாக்குகள் கிடைத்துள்ளதாக சிறிலங்கா தேர்தல் திணைக்களம் கூறியுள்ளது.

ஆனால் இந்தத் தேர்தலில் ஜனநாயக மக்கள் முன்னணிக்கு கொழும்பு மாநகரசபையில் கிடைத்த மொத்த வாக்குகள் 26ஆயிரத்து, 229 என்பது குறிப்பிடத்தக்கது.

இந்தநிலையில் மனோ கணேசனுக்கு 28ஆயிரத்து, 433 விருப்புவாக்குகள் கிடைத்ததாக சிறிலங்கா தேர்தல் திணைக்களம் அறிவித்துள்ளது குழப்பத்தை ஏற்படுத்துவதாக உள்ளது.

அதேவேளை ஜனநாயக மக்கள் முன்னணி சார்பில் மனோ கணேசன், எஸ் முகவரியன், குருசாமி நளன்ராஜ் தேவன், தங்கேஸ் வர்கீசன், எஸ்.பாஸ்கரன், லோறன்ஸ் பெர்னான்டோ ஆகியோர் கொழும்பு மாநகரசபைக்குத் தெரிவாகியுள்ளனர்.

விருப்பு வாக்குகளின் அடிப்படையில் ஐதேக சார்பில் 2 தமிழர்கள், 9 முஸ்லிம்கள், 13 சிங்களவர்கள் என 24 உறுப்பினர்கள் கொழும்பு மாநகரசபைக்குத் தெரிவாகியுள்ளனர்.

ஆளும் ஐக்கிய மக்கள் சுதந்திர முன்னணி சார்பில் கொழும்பு மாநகர முதல்வர் பதவிக்கு போட்டியில் நிறுத்தப்பட்ட முன்னாள் அமைச்சர் மிலிந்த மொறகொடவினால் 32ஆயிரத்து, 103 வாக்குகளையே பெறமுடிந்துள்ளது.

ஆளும்கட்சியின் சார்பில் கொழும்பு மாநகரசபைக்கு தமிழர்கள் எவரும் தெரிவு செய்யப்படவில்லை என்பது குறிப்பிடத்தக்கது.

கொழும்பு மாநகரசபையில் ஆளும் ஐக்கிய மக்கள் சுதந்திர முன்னணி சார்பில் 6 முஸ்லிம்களும் 10 சிங்களவர்களும் தெரிவாகியுள்ளனர்.

ஜனநாயக மக்கள் முன்னணி சார்பில் 6 தமிழர்கள் தெரிவு செய்யப்பட்டுள்ளனர்.

கொழும்பு மாநகரசபையில் இம்முறை தமிழர்களின் பிரதிநிதித்துவம் 8 ஆகக் குறைந்துள்ளது.

அதேவேளை 27 சிங்களவர்களும், 18 முஸ்லிம்களும் இம்முறை கொழும்பு மாநகரசபைக்குத் தெரிவாகியுள்ளது குறிப்பிடத்தக்கது.

இதற்கிடையே, தெகிவளை- கல்கிசை மாநகரசபைக்கு ஜனநாயக மக்கள் முன்னணியின் சார்பில் போட்டியிட்ட கலாநிதி விக்கிரமபாகு கருணாரட்ண 2ஆயிரத்து 171 விருப்பு வாக்குகளைப் பெற்றுத் தெரிவாகியுள்ளார்.

********************

ஏமாற்றும் அரசு!

வெளிநாட்டு சக்திகளின் அழுத்தங்களுக்கு சிறந்த பதிலளிக்கப்பட்டுள்ளதாக ஐக்கிய மக்கள் சுதந்திரக் கூட்டமைப்பின் செயலாளர் சுசில் பிரேமஜயந்த தெரிவித்துள்ளார்.

நாட்டு மக்கள் நடைபெற்று முடிந்த தேர்தலில் புத்திசாதுரியமாக பதிலளித்துள்ளனர் எனவும் சமாதானத்தை நிலைநாட்டி அபிவிருத்திப் பணியில் ஈடுபட்டு வரும் அரசாங்கத்தை மக்கள் வரவேற்றுள்ளனர் என்றும் தெரிவித்துள்ளார்.

ஐக்கிய தேசியக் கட்சியின் கட்டுப்பாட்டில் இருந்த பல உள்ளுராட்சி மன்றங்களின் ஆட்சியை அரசாங்கம் கைப்பற்றியுள்ளது.

அரசாங்கத்தின் வேகமான அபிவிருத்தித் திட்டங்களுக்கு மக்கள் பூரண ஒத்துழைப்பு வழங்கி வருவதாகவும், எதிர்காலத்திலும் இந்த ஒத்துழைப்பு வழங்கப்படும் எனவும் அவர் நம்பிக்கை வெளியிட்டுள்ளார்.

********************